Bo nadal 2020! Feliz 2021!

Sabemos que este foi un ano extremadamente complicado. Tívonos sen actividade, en tensión constante e con moita falta de música en común. Con todo, un grupo como o noso caracterízase por manterse unido tanto nos bos momentos como nos non tan bos, polos medios que foren. Por iso, aínda que este ano non puidemos gravar unha felicitación de nadal moi sofisticada, decidimos reunir vídeos e fotos dos e das coralistas desde as súas casas, cun pouco de humor e de alegría para o que aínda queda por diante de pandemia. Ademais, tamén incluímos algúns dos poucos momentos musicais que este ano nos permitiu desfrutar. Con toda a ilusión compartimos a nosa felicitación convosco e desexámosvos un óptimo nadal e un próspero ano 2021. Grazas pola vosa compañía desde o outro lado do escenario e agora, sobre todo, desde o outro lado da pantalla, #FamiliaCantabile!

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.